كل سنة فى رمضان كنت بختم القرآن مرة بالعافية مش عارف ليه البطئ اللى انا فيه.. وبشوف ناس تختمه اربع خمس مرات وكنت مستغرب اوى هم بيقروا وخلاص ولا بيفهموا اللى بيقروا من القران.. يعنى مثلا كنت بختمه مره بس بطلع وانا معايا معان مفيده وببقى حافظ ايات كتيرة من القرآن.. السنادى فكرت فى فكرة جديدة وهى انى اختم القران بسرعه وانى اقرا بعد كل صلاة جزء وفعلا اليوم الاول مر عليا بنجاح وخلصت خمس أجزاء والحمد لله.. مش عارف ليه حاسس ان القران سهل عليا اوى السنادى -غير المعتاد- مع انى كنت بقالى كتير مقرأتش فيه.. بتهيئلى انا عارف السبب وهوانى لاقيت شيئ كان ضايع من وانا مرتاح نفسيا الايام دى والدنيا لذيذه وفرحان بكل حاجه حولية والحمد لله.. المهم عشان بدأت اخرج عن الموضوع.. الفكرة بقى هى انى قررت اختم القران فى الاسبوع الاول من رمضان (ان شاء الله) بعدين اخد 10 ايام او اكتر على حسب فى قرأت احدى كتب التفاسير القرآنية.. انا عندى تفسير القرطبى ودا استحاله هقربله لانه حوالى تقريبا 6000 صفحة.. بس فى تفسير صغير كده عجبنى اسمه ابو جعفر الطبرى هبتدى اقرا فيه (ان شاء الله).. وكنت مشترى عندى تلات كتب للقران باللانجلش.. هبتدى امزز فيهم لغاية العيد او بعده.. يعنى دى كانت خطتى بالنسبة للقرآن السنادى مش عارف انتوا رأيكوا ايه فيها...
2 comments:
انا على فكرة عجبانى جدا المدونة بتاعت رمضان دى فعلا فكرة جميلة و جديدة و ان شاء الله رمضان الجاى تتوسع و تضم ناس تانية معاك و تنزلوا فيها مواضيع تخص شهر رمضان و ممكن تخلوا جزء لذكريات الناس فى رمضان يعنى ممكن يبقى ليها مخمخة اعلى من كده بس هيا عامة فكرة لذيذة و جديدة .
و انا على فكرة عاجبانى مجرد فكرة عارف اثرت فيا لان حسستنى انى هجرت القرءان و هجرت رمضان لفترة من الوقت تغلبت فيها نفسى عليا بس بجد كلامك فوقنى انى اغلب نفسى واكسرها و ارجع لقرآنى و رمضانى و لربى تانى و استغل الفرصة العظيمة دى
تانى شكرا ليكم يا شيكو و يا مودى على المدونة الجميلة دى و رمضان جانا رمضان كريم - سارة
Post a Comment